أخبار لسانك إيه ؟

أخبار لسانك إيه ؟

يعني عارفه تسيطري على لسانك ولا بتشتمي عادي ؟
ولسه مش واخده بالك انك بتتحاسبي على كل كلمة بتخرج من فمك
طيب إيه رأيكم نقرر من النهارده نعف لسانا ؟

لازم نخلى بالنا من كل كلمة بتخرج من فمنا
لان ربنا سبحانه وتعالى هيحسبنا على كل ذلة لسان

طيب حد عارف الحديث ده ؟

قال قال رسول الله صلى الله عليه وسلم :
إن من أكبر الكبائر أن يلعن الرجل والديه قيل يا رسول الله وكيف
يلعن الرجل والديه قال يسب الرجل أبا الرجل فيسب أباه ويسب أمه - صحيح البخاري

يعني السب من الكبـــــــــــــــائر

!!!!!!!!!!!!!!!!!!!!!!

حتى لو قلتلي أنا بشتم بس لما بكون متعصبه
أو مضايقه طيب وده مبرر ؟

وحتى لو قولتلي لأ أنا بشتم بهزار ومش قصدي حاجه

يعني بقول ياحماره ياعبيطه يا هبله ودي متعتبرش شتيمة

هقولك لأ كله شتيمة وكله هتتحاسبي عليه

وهقولك كمان

أين الحلم أين الاقتداء بصفات
وخلق الرسول عليه أفضل الصلاة والسلام !!!


تعالوا نجرب بدل ما نشتم غيرنا ندعو له بالصلاح والهدايه
وبما ان لكل إنسان نصيب من دعوته فلما لا يكون هذا هو نصيبنا من الدعوة

ليه لأ تعالوا نجرب كده ... نجرب العفه في اللسان

لو حاسه انك مضايقه من شخص وعايزه تشتميه وكده هترتاحي

لأ ... استني وجربي تستغفري كده !!
جربي قبل ما تطلع الشتيمة منك تقولي ربنا يهديكي ويرضى عنك

أنتي كده دعتلها وخدتي الثواب مرتين

مره لما مسكتي لسانك ومره لما دعتلها

والله مفيش أجمل من كده جربي تعفي لسانك
حتى وأنتي بتهزري مع أصدقائك بلاش تهزري معاهم بالشتيمه والسباب

ولا نسيتي حديث حبيبنا المصطفى عليه أفضل الصلاة والسلام

عن عبدالله بن مسعود قال : قال رسول الله :
سباب المسلم فسوق ، وقتاله كفر - صحيح البخاري

لو ادركنا خطورة حديث الرسول عليه أفضل
الصلاة والسلام والله هنوقف السباب والشتائم من دلوقتي

.
.

جربي تمسكي نفسك لما تلاقى الشخص إللى قدامك مستفز وعمال يثير أعصابك

جربي تفتكري الرسول عليه أفضل الصلاة والسلام
وتذكري انه قدوتنا في كل شئ تذكري انه من قال فيه رب العاليمن

قال تعالى : وَإِنَّكَ لَعَلى خُلُقٍ عَظِيمٍ

.
.

حتى وأنتي بتتناقشي في موضوع و الموضوع ده مستفز

متغلطيش ومتشتميش .. لانك مش بس بتاخدي ذنوب ودي كبيره من الكبائر لأ

وكمان بتخلي غيرك يشارك في الغلط ده

.
.

سمعت مره الشيخ بيقول في الراديو نجرب الاستغفار والتعوذ
بالله من الشيطان الرجيم في لحظة الغضب بدل الشتيمه
حتى في الهزار "أي المزاح" ليه بنشوف شباب وبنات كتير بيهزروا مع بعض بالشتائم !!!

.
.

يلا بينــــــــــا نبطل شتيمة ليل ونهار ونرجع العفه في لسانا

خلي كل إللي بيخرج من فمك تؤجري عليه ولا تأثمي عليه

ربنا يتقبل منا جميعاً ويرضى عنـــــــــا

اللهم اجعلنا ممن يستمعون القول فيتبعون احسنه